Partitë opozitare kanë bojkotuar zgjedhjet parlamentare, ndërsa shtrohet pyetja e madhe se cili do të jetë pjesëmarrja dhe cilat parti do të bëhen opozita kryesore parlamentare.
Pak më shumë se 6.5 milion qytetarë kanë të drejtë të votojnë ditën e sotme në zgjedhjet parlamentare në Serbi, të cilat u bojkotuan nga opozita.
Vendvotimet do të jenë të hapura nga 7 e mëngjesit deri në 8 pasdite dhe votuesit do të zgjedhin nga 21 lista zgjedhore për të mbushur 250 vende në parlamentin serb. Ekzistojnë 8.2253 vendvotime, plus 140 për komunitetin serb në Kosovë, pavarësinë e të cilit Serbia nuk e njeh, dhe 42 për votuesit jashtë vendit.
Nuk ka pritje të befasive kur bëhet fjalë për fituesin e mundshëm të zgjedhjeve – Partia qeverisëse Progresive Serbe. Ka më pak siguri se sa votues do të dalin për të votuar dhe cilat parti do të jenë në opozitë.
Partitë e opozitës të mbledhura në Aleancën për Serbinë kanë bojkotuar zgjedhjet Parlamentare. Kishte disa përpjekje për dialog midis partisë në pushtet dhe opozitës, por asgjë nuk erdhi si rezultat.
Ndryshimi i vetëm i madh që ndodhi është që partia në pushtet uli pragun për të hyrë në parlament nga 5 në 3 përqind, gjë që ka rritur shanset e partive të vogla për të marrë disa vende në parlament.
Zgjedhjet ishin caktuar për 26 Prill por u shtynë pasi vendi shpalli një gjendje të jashtëzakonshme në 15 Mars derisa të hiqej gjendja e jashtëzakonshme.
Serbia ka ende mbi 50 raste të reja të COVID-19 në ditë, dhe është vendi me numrin më të madh të personave të infektuar nga të gjitha vendet e ish-Jugosllavisë.
Votuesit janë këshilluar që të vijnë në votime me maska, të cilat duhet të sigurohen në vend nëse nuk i kanë – dhe të mbajnë distancën e tyre.
