Taulant Muka tha mbrëmjen e sotme në Opinion se Shqipëria klasifikohet në grupin 3 lidhur me sigurinë nga Covid-19 dhe në kushte të tilla asnjë nga vendet e BE apo zonës Schengen nuk do të hapë kufinjtë me të.
Muka tha se është kjo arsyeja pse Greqia shtyu hapjen e kufirit me Shqipërinë nga 15 qershori në 1 korrik dhe nëse situata nuk ndryshon, atëherë nuk do të ketë hapje kufinjsh.
Muka foli me nota pesimiste lidhur me atë që po ndodh në Shqipëri, ndërsa fajësoi strukturat qeveritare për neglizhencë.
“Hapja u bë pa një plan konkret, mos u çudisni që pas dy javësh ministrja e Shëndetësisë, të shfaqet tepër e shqetësuar për shkak të situatës. Duhen rregulla të mirëpërcaktuara, që s´mund ti lihen në dorë qytetarëve”, tha ai.
Lidhur me rastet e shfaqura në QSUT, ai pohoi se minimalisht drejtori I këtij institucioni duhet të ishte larguar nga detyra.
