Kryeministri Edi Rama, me shpalljen e gjendjes së emergjencës për shkak të pandemisë Covid-19, deklaroi se mjekët që janë në vijën e parë të luftës me atë që e cilësonte “armiku i padukshëm” do të kenë një bonus mbi rrogën deri në 1000 euro.
Por, ish-kryeministri Sali Berisha ka publikuar një mesazh të mbërritur në adresë të tij nga një person që pretendon se është pjesë e stafit të spitalit “Shefqet Ndroqi” në Tiranë, i cili funksionoi për disa javë si spitali “Covid2”, i cili shprehet se stafit të urgjencës nuk i jepet bonusi i premtuar, ndërkohë që punonjësit e QSUT-së, sipas tij e kanë marrë.
Ai shprehet se duan ta përgjysmojnë këtë shumë parash të premtuar për t’i dhënë edhe administratës nga këto para.
“Denoncon Edvin gënjeshtrën për mashtrimin e radhës!”, shkruan Berisha, duke publikuar mesazhin e mëposhtëm.
