Sapo është mbyllur java e 28-të e Kategorisë Superiore. Pasditen e sotme u luajtën 5-së ndeshjet e këtij raundi dhe në total u shënuan plot 18 gola.
Kështu Tirana arriti një fitore të thellë 0-5 kundër Luftëtarit, duke mos e venë për asnjë moment në diskutim ndeshjen. Bardheblutë kaluan në avantazh shumë shpejt, ku serinë e golave e hapi Kristi Vangjeli në minutën e 4-t. Brenda pjesës së parë, Tirana do të shënonte edhe dy herë me anë të Cobbinah dhe Hasani-t në minutat 20’ dhe 42’. Ndërkohë në pjesën e dytë shënoi Idriz Batha me 11-metërsh (66”) dhe sulmuesi Ismael Dunga në minutën e 78-të.
Krejtësisht e kundërta situata për klubin tjetër të kryeqytetit, aty ku Partizani u dorëzua me rezultatin 1-3 përballë Kukësit të vendit të dytë. Kampionët të fuqi vazhdojnë të zhgënjejnë duke konfirmuar se brenda klubit atmosfera nuk është aspak e mirë.
Për Kukësin shënuan, Kristal Abazaj, një autogol i Boldor dhe Valon Ethemi përkatësisht më minutat 45’, 51’ dhe 60’. Ndërsa për Partizanin shkurtoi diferencat, sulmuesi nigerian, Theophilus Solomon në minutën e 71-të.
Në ndeshjet e tjera, Bylisi arriti një fitore 1-0 në fund kundër Teutës, Skënderbeu fitoi në transfertë 0-1 ndaj Flamurtarit, ndërsa Laçi triunfoi 5-1 kundër Vllaznisë.
Me këto rezultate, Tirana afrohet gjithnjë e më shumë me titullin kampion numër 25 ndërsa Partizani e sheh veten në zonën play-ut dhe rrezikon rënien një kategori më poshtë.
