Skuadra e Tiranës ka triumfuar me rezultatin 1-3 në transfertë kundër Bylisit, duke treguar formën fantastike të gjithë sezonit.
Bardheblutë kanë kaluar në avantazh në transfertën e ballshit në minutën e 27-të, ku autor i golit ishte Cobbinah. Lojtari ganez shënoi një gol mjaft të bukur duke goditur topin fluturimthi.
Dyfishimi i rezultatit për ta erdhi në fundin e pjesë së parë atu ku në minutën e 47-të Torassa fiton një penallti , të cilën e mori përsipër Idriz Batha. Mesfushori gjirokastrite u tregua i saktë nga pika e bardhë, duke e çuar rezultatin e sfidës në 2-0.
Më pas në pjesën e dytë skuadra ballshiote reagoi me anë të një goli në minutën e 66-të të realizuar nga Peposhi. Mirëpo, Tirana reagoi shpejt duke vulosur shifrat përfundimtare në 1-3, teksa në minutën e 72-të shënoi qendërmbrojtësi Muça.
Një duel tjetër mjaft i fortë ishte mes Laçit dhe Teutës. Skuadrat u ndalën në një barazim 1-1 duke marrë nga një pikë. Të parët kaluan në avantazh durrsakët me anë të një 11-metërshi në minutën e 10-të të shndërruar në gol nga Kallaku, ndërsa ndeshja u rikthye në baraspeshë në minutat shtesë të pjesë së parë ku autor i golit ishte Edison Xhixha.
