Kuvendi vijon të japë show seancë pas seance. Kryeparlamentari Gramoz Ruçi hera herës replikon me deputetin Kujtim Gjuzi, apo të tjerë ligjvënës të asaj që quhet si “opozita e re”, ndërsa ndonjëherë tërheq vëmendjen duke i ndërprerë fjalën edhe Kryeministrit Edi Rama.
E ndërsa kur opozita ishte në Parlament, ajo që ka dorëzuar mandatet, Ruçi nuk kishte guxim t´i ndërpriste fjalën jo Kryeministrit, po as deputetëve socialistë, sot duket se në kuadrin e gallatave të seancave parlamentare, Kryeparlamenti ka vendosur të zbatojë rregulloren.
Ndoshta seancat plenare janë bërë aq të padurueshme, sa mezi që pritet të përfundojnë, dhe kjo mund të shpjegojë edhe faktin që minutat mbahen me kronometër.
Rama, e nisi fjalën në Kuvend, me një batutë duke u shprehur se ishte paralajmëruar nga zyra e Kryetarit të Kuvendit se do të kishte kohë vetëm 10 minuta për fjalën dhe 3 minuta replikë dhe do t’i ndërpritej.
Në vijim, Kryeministri preferoi të lexonte mesazhin e një qytetari në rrjetet sociale, për të cilin Rama tha se ishte demokrat.
“Na thatë në 2013 kur na e mori Edvini se do bie shpejt, se ka premtuar gjëra që nuk bëhen dhe do ngrohet populli i zhgënjyer, erdhi 2015 na iku ene Tirona, na thatë futuni në cadër se do bjerë vetë dhe po nuk ra do vijë populli ta rrëzojë, populli nuk erdhi erdhi Luli na tha dilni se fituam, po ca fituam, fitoi prapë Edvini, e pastaj na thatë na e futi Amerika, ndaj ska llafe, e zgjedhje, oburra revoltë popullore.
Erdhi 2019 ikët nga parlamenti na ikën edhe gjithë bashkitë dhe populli nuk u duk gjëkundi pas nesh se u tretën edhe ata që bashkive që i nxirrnim në protesta. Kur ikën të gjitha dolën edhe nga parlamenti na thanë oburra te Unaza e Re se aty do ta kapim, se do vijë populli e ska më shans. U ngrysëm me muj dhe e vetmja fitore qe i nat që Edvini tu u kthye nga Vlora, i ra nga Elbasani, populli nuk erdhi erdhën fadromat dhe ne na ngeli libri i çunit të Fahriut. Pastaj doli që lepri fle te teatri, oburra pas Lulit me dhënë jetën aty bashkë me popullin, iku dheeatri e populli prapë nuk erdhi se Luli na thotë se e paska synin te reforma zgjedhore”, lexoi Rama mesazhin në Kuvend.
Rama: Gramoz, edhe dy minuta
Ruci: Por, nuk transferohet koha zoti kryeministër
Hajdari: Jepja edhe minutat e mia
Ruci: Hapje IT, hape
Rama: Gramoz shumë faleminderit, e more vesh ti që do fjalën e lirë këtu në kuvend.
