Të tjera raste janë zbuluar me koronavirus në QSUT, e cila duket se është kthyer në vatrën e re të Covid-19, në fundin e pandemisë.
Referuar burimeve, në 24 orët e fundit janë zbuluar 20 raste të reja, nga të cilat 12 janë në radhët e personelit mjekësor në QSUT, zinxhir i rasteve që u konfirmuan dje.
Rastet e reja i përkasin repartit të sëmundjeve të brendshme në QSUT, ku që prej të hënës u janë bërë tamponet të gjithë stafit, dhe ditë pas dite po dalin raste të reja.
Gjithashtu rezultojnë të prekur edhe 8 pacientë të këtij shërbimi.
Virusi është përhapur nga një infermiere, e cila ka rezultuar pozitive ditën e hënë, dhe më pas është shtruar në spitalin Infektiv.
