Kreu demokrat Lulzim Basha ka nisur një mbledhje me drejtues të Partisë Demokratike, ndërkohë që Teatri Kombëtar është shembur, pas një ndërhyrjeje të dhunshme të forcave policore.
Ndërsa e ka cilësuar Teatrin si një vijë të kuqe, e cila u shkel, Basha ka thirrur në zyrë drejtuesit kryesorë të PD, por edhe opozitës në tërësi, për të marrë një vendim politik mbi atë se çfarë do të bëjë opozita në kushtet aktuale.
Mësohet se opsionet që diskutohen janë ato nga organizimi i protestave, te ndërprerja e çdo komunikimi mes saj dhe Rilindjes, përfshi këtu edhe për reformën zgjedhore.
“Nuk përjashtohet mundësia e tërheqjes së opozitës nga Këshilli Politik, sikundër do të nisë organizimi i protestave”, shprehen burime nga opozita.
Pas ditë më parë, kreu demokrat ka deklaruar se zjarri që do të ndezin te Teatri, do të shtrihet nga Surreli te Qendrat Tregtare të oligarkëve.
