Andrea Belotti mund të jetë duke përjetuar muajt e fundit me fanellën e Torinos.
26-vjeçari këtë verë duhet të vendosë nëse do të jetë i lidhur përjetë me skuadrën “Granata” apo do të provojë një eksperiencë të re. Belotti kërkohet me ngulm nga tre skuadra të Serie A, me Napolin që udhëheq garën për të marrë shërbimet e tij.
Sipas “La Stampa”, për 26-vjeçarin, Napoli ofron 20 milionë euro plus kartonin e Andrea Petagnas.
Skuadrat e tjera italiane që kërkojnë shërbimet e sulmuesit janë Roma e Milani, ndërsa jashtë Serie A interesim kanë shfaqur Evertoni dhe Man.United.
