“Nëse pandemia e koronavirusit do ishte një lojë nëntë ditëshe, ne jemi vetëm në ditën e dytë”, tha Michael Osterholm, drejtori i Qendrës për Kërkime dhe Politika të Sëmundjeve Infektive në Universitetin e Minesota.
Covid-19 ka të ngjarë të infektojë 60% në 70% të popullsisë amerikane para se të ngadalësohet, tha Osterholm për CNN të martën. Ai vlerëson se midis 5% dhe 15% janë infektuar deri më tani.
“Të gjitha gjërat që ne po bëjmë për një lloj kontrolli do të ndihmojnë, por do të vazhdojë të përhapet. Kjo është ajo që bëjnë viruset në përgjithësi”, tha Osterholm.
Vendi jonë ka një rrugë të gjatë për të bërë derisa populli të arrijë të krijojë imunitet ndaj këtij virusi.
Osterholm dhe kolegët e tij kanë ofruar tre skenarë të mundshëm për pandeminë:
Transmetimi do të qetësohet pak në verë dhe do të kthehet fort në vjeshtë dhe dimër.
Do të ketë ulje-ngritje – valë infeksionesh – në vende të ndryshme gjatë kohërave të ndryshme.
Do të ketë një “djegie të ngadaltë” që zgjat 18 muaj ose më gjatë.
“Mendoni sa dhimbje, vuajtje, vdekje dhe përçarje ekonomike kemi pasur deri tani”, tha Osterholm. “Zgjohu, botë. Mos e besoni retorikën që thotë se kjo do të largohet ”.
