Këshilli i Lartë Gjyqësor nuk ka dalë me një vendim final nga mbledhja e sotme, lidhur me kërkesën e Presidentit Ilir Meta për Ardian Dvoranin.
KLGJ bëri me dije se vendimi për Dvoranin është shtyrë.
Presidenti Ilir Meta i kërkoi Këshillit të Lartë Gjyqësor të shpallë përfundimin e mandatit të gjyqtarit të Gjykatës së Lartë dhe kryetarit të Këshillit të Emërimeve në Drejtësi, Ardian Dvorani.
“Këshilli vazhdoi shqyrtimin e shkresës së Presidentit të Republikës lidhur me qëndrimin e mëtejshëm në detyrë të z. Ardian Dvorani si anëtar i Gjykatës së Lartë. Pas shqyrtimit të shpjegimeve të dhëna nga z. Dvorani si dhe propozimeve të disa anëtarëve të tij, Këshilli, me shumicë votash, vendosi shtyrjen e shqyrtimit të kësaj çështjeje. Kjo shtyrje u bë me qëllim që të njohë z.Dvorani me vendimet dhe relacionet përkatëse të Këshillit për hapjen e vendeve vakante në Gjykatën e Lartë, korrespondencën e institucionit të KLGJ-së, me Presidentin e Republikës, për dekretimin e anëtarëve të rinj në të, si dhe marrjen e një opinioni ligjor nga misionet partnere që asistojnë Këshillin”, njoftoi KLGJ.
Lexo edhe:
KLGJ “xhiron bosh”, Dvoranit ia ka mbaruar mandatin Kushtetuesja në 2016
