Kryetari i Partisë Demokratike, Sali Berisha, ka folur për mediat pas daljes nga SPAK, ku u paraqit në zbatim të masës “detyrim paraqitje”.
Ai ka lëshuar akuza ndaj institucioneve të drejtësisë, duke i cilësuar si të kapura nga pushteti.
Berisha deklaroi se Prokurorit të Përgjithshëm i janë dashur dy vite për të marrë një vendim lidhur me gjyqtaren Irena Gjoka, vendim që sipas tij duhej të ishte i qartë që në javën e parë.
Ai e akuzoi këtë institucion për servilizëm ndaj gjyqtares, duke thënë se “i ka lëpirë çizmet Irenës me shumë mbiemra”.
“Nëse ka një sistem turpi dhe qesharak është ky sistem drejtësie. Do tju jap vetëm një shembull. Irena me 5 mbiemra, lëshoi në këmbët e saj, Prokurorin e Përgjithshëm që ju desh dy vite për të nxjerrë njq vendim që ishte evident që në javën e parë. Prokurori i Përgjithshëm i ka lëpirë çizmet Irenës me shumë mbiemra.
Pas Prokurorit të Përgjithshëm, kulim e arrin KLGJ-ja, e cila ka hedhur poshtë kërkesat për shqyrtimin e saj dhe njërën radhë, imagjinoni ju këtu, pasi avoketërve të mi iu ktheu përgjigje me shkrim se Irena me 5 mbiemra ka qenë e shkarkuar nga ish-presidenti i Republikës, kryetari i KLD, Sali Berisha në vitin 1996, kur ky dokument u kërkua nga deputetët e PD 3 javë më vonë, iu përgjigj se ndaj kësaj zonje nuk ekziston një dokument i tillë.
KLGJ ka mbrojtur Irena Gjokën. Pastaj vjen ILD-ja pasi dokumentat kalonin nga njëri te tjetri. Ato nuk japin dosjen palës ankuese. Kontrolli i Edi Ramës ndaj tyre provohet në muajt e fundit. Këto institucione nuk guxojnë të bëjnë deklarata për sulmet që Rama i bën”, shprehet Berisha.
