Pensionistët dhe prindërit me fëmijë deri në 14 vjeç lejohen sot, bazuar në lejedaljen e Kryeministrit Edi Rama, i cili i referohet gjithmonë grupit të ekspertëve, që të dalin nga shtëpitë, në kuadrin e masave kufizuese për Covid-19.
E ndërsa një pjesë e qytetarëve do të jenë të lirë, deri në orën 17:30, asnjë prej aktiviteteve tregtare nuk lejohet të funksionojë.
Pensionistët do të kenë mundësi të dalin deri në orën 10:00, ndërsa prindërit me fëmijët deri nën 14 vjeç do të lejohen në fashën e orarit 11:00 deri në orën 17:30.
Ndërsa të gjithë të tjerët do të duhet të qëndrojnë në shtëpi brenda kësaj fashe orare.
Po ashtu edhe sot do të ndalohet kategorikisht qarkullimi i automjeteve private.
Shpeshherë masat kufizuese të bëra publike nga Qeveria kanë shkaktuar debate, por edhe humor në rrjetet sociale.
