Kryetari i PD-së, Lulzim Basha, tha se opozita nuk ka ndërmend që të shfrytëzojë pandeminë e Covid-19 për interesat e saj politike.
Basha tha se ne kemi zgjedhur rrugën të japim alternativat, ndërsa Qeveria po mbron interesat e oligarkëve.
“Edi Rama ka që prej datës 2 mars që sulmon opozitën, pasi ne nuk kemi lënë asnjë ditë dhe asnjë orë pa bërë detyrën tonë, denoncimet dhe kërkesat për transparencë”, tha Basha.
I pyetur nëse mjaftojnë vetëm denoncimet dhe propozimet për të ndërprerë papërgjegjshmërinë e Qeverisë, Basha tha në studion e Syri Tv, se opozita është bërë zëri i qytetarëve, po i shërben interesit të njerëzve, po refuzon regjimin e rrjeteve sociale dhe po ngrejmë zërin.
Lidhur me dekretimin e ndryshimeve të Kodit Penal nga ana e Presidentit Ilir Meta, Basha theksoi se është kundër këtyre ndryshimeve edhe për faktin se ky Parlament nuk ka asnjë të drejtë morale për të bërë ndryshime të tilla.
I pyetur nëse i druhet një marrëveshjeje mes Ramës dhe Metës, Basha tha se i ka kursyer komentet jashtë situatës së pandemisë.
“Lajme sensacionale me ngjala dhe karavidhe i konsideroj të tepërta në këtë situatë”, tha Basha.
