Pandemia e Covid-19 ka paralizuar botën mes të cilës dhe futbollin. Që prej mbylljes së stadiumeve, klubet kanë nisur të gjejnë mënyra alternative për t’ia dalë në mënyrë që të mos rëndohen shumë në financat e tyre. Shumë skuadra kanë kërkuar të shkurtojnë pagat e lojtarëve ndërsa skuadra të tjera kanë kërkuar ndihmën e qeverisë për të zbutur humbjet.
Por, ka nga ata që i kanë vënë “drynin” duke shpallur falimentin. Rasti konkret vjen nga Peruja e largët dhe bëhet fjalë për klubin e divizionit të dytë në vend, Deportivo Coopsol.
Në mënyrë të befasishme, presidenti i klubit, Freddy Ames ka njoftuar stafin dhe lojtarët që të mos presin në bankomatet e bankës, pasi nuk ka buxhet për t’i paguar dhe që prej ditës së sotme mund të shikojnë tregun për të gjetur një punë të re.
“Ne njoftojmë me shumë dhimbje, por edhe me përgjegjësi, që duke mos pasur ndonjë alternative, ne vendosëm ta konsiderojmë si të përfunduar misionin e lojtarëve dhe teknikëve tanë”, tha klubi në një njoftim për shtyp
“Pa të ardhura dhe me pasigurinë nëse duhet të rifillojmë ose jo La Liga 2, është e pamundur për ne të vazhdojmë të mbajmë lojtarët në ekip”.
Çuditërisht vendimi i numrit 1 të klubit është respektuar nga të gjithë, më në krye trajnerin, Francisco Melgar.
