Cristiano Ronaldo vendosi të stërvitej ditën e djeshme në stadiumin e qytetit të Madeira në Portugali.
Gjithçka erdhi pas lejes së dhënë nga miku dhe Presidenti i Nacional, Rui Alves që konfirmoi gjithçka, duke theksuar se Ronaldo nuk po shkel rregullat e vendosura nga qeveria portugeze.
Ky veprim i sulmuesit është shoqëruar me shumë polemika, ku janë përfshirë edhe autoritetet.
“Ronaldo nuk ka asnjë leje speciale për t’u stërvitur. Ai ka të drejtë të stërvitet derisa respekton rregullat si të gjithë qytetarët e tjerë. Asnjë privilegj për të”, ka thënë këshilltari për shëndetësinë në rajonin e Madeira, Pedro Ramos.
Cristiano Ronaldo la Italinë për vendlindjen e tij rreth një muaj më parë, ndërsa akoma nuk dihet se kur portugezi do të rikthehet në Torino.
