Ndeshja e fundit e Shqipërisë e luajtur në stadiumin “Air Albania” ishte kundër Serbisë, ku në atë ndeshje, FSHF e Armando Dukës jo vetëm që përjashtoi Tifozat Kuqezi, por ndaloi edhe flamurin e Ushtrisë Çlirimtare të Kosovës (UÇK).
Kjo u realizua në bashkëpunim me Policinë e Edi Ramës, ku në stadium dhanë shfaqje të turpshme, duke u përplasur me tifozët për të larguar çdo flamur të UÇK-së, madje nxorrën nga stadiumi edhe një tifoz që e kishte atë simbol në bluzë.
Por, duket se ndalimi i flamurit të UÇK-së nuk ishte vetëm në ndeshjen ndaj Serbisë për t’i bërë qejfin Aleksandër Vuçiçit, por Armando Duka dhe Edi Rama do e ndalojnë përgjimonë.
Kjo për shkak se e njëjta situatë ka ndodhur edhe në ndeshjen e sotme që kombëtarja shqiptare po luan kundër Letonisë.
Siç e shihni, në videon e mëposhtme shfaqet një efektiv policie, i cili sapo i ka marrë me dhunë flamurin e UÇK-së një tifozi. Madje përtej urdhrave politik të dhënë nga Duka dhe Rama, mënyra se si polici e trajton flamurin e UÇK-së, është edhe më e turpshme.
Sipas Kodit Penal dhe ligjeve shqiptare, nuk ka ndalim ligjor për simbolet e UÇK-së, madje edhe nga UEFA nuk ka asgjë për ta konsideruar si diçka të ndaluar. Ai flamur është një shprehje krenarie dhe kujtese kolektive për sakrificën e luftës për liri.
Por, pyetja që shtrohet pas këtyre shfaqjeve është se a mundet më Armando Duka dhe Edi Rama të dalin në TV dhe të bëjnë “patriotin”?
