E ardhmja e Lautaro Martinez vazhdon të mbizotërojë në faqet e para të gazetave në Katalonjë, ndërsa Barcelona prej kohësh kërkon të sigurojë shërbimet e tij.
Duket se një lajm i mirë ka ardhur për gjigantët spanjoll, pasi ashtu siç raporton “Sport”, sulmuesi argjentinas ka refuzuar kontratën e re me Interin.
Zikaltërit kanë propozuar një pagë 4 milionë euro në sezon, por në krahun tjetër Lautaro Martinez është joshur nga oferta e majme Barcelonës, të cilët ofrojnë rreth 10 milionë euro në sezon.
Një diferencë kjo e pa rezistueshme për 22 vjeçarin, ku për më tepër te Barcelona do të ketë mundësinë të luajë me patriotin e tij Leo Messi. Klauzola e largimit të argjentinasit është 111 milionë euro.
