E ardhmja e Samuel Umtiti do të jetë larg Barcelonës duke filluar që nga kjo verë: Kampioni i Botës nuk ka arritur për asnjë moment të shndërrohet në titullar fiks, duke vuajtur konkurrencën e fortë të Pique dhe Lenglet.
Umtiti ka pranuar dhe vetë të largohet, pasi kërkon të luajë rregullisht për një klub tjetër, pasi rrezikon dhe vendin në kombëtaren e Francës. Tre skuadra janë vënë menjëherë pas tij dhe sapo të hapet merkato, gara pritet të nisë.
Arsenal, Manchester United dhe Chelsea duan të përforcojnë prapavijën dhe me shumën që Barcelona kërkon për Umtiti, pritet të ketë dhe një lëvizje të mundshme. 40 milion euro kërkojnë katalanasit, shifër që asnjë nga tre klubet angleze nuk e kanë problem.
