Ka mbetur ende e pazgjidhur dhuna që pësoi biznesmeni libanez Fadi Mitri. Biznesmeni që ka dhe shtetësi amerikane u dhunua dje pasdite në rrugën e Rinasit nga persona ende të paidentifikuar. Pasi e rrahën, personat e kërcënuan që të largohet nga Shqipëria.
Biznesmeni Mitri është administrator i një kompanie që do të investojë 180 milionë euro për një resort në Gjirin e Lalëzit. Investimi gjigand i Omnix Albania ka për pronar një investitor të fuqishëm nga Katari, të quajtur Jamal Abdulsalam Abu Issa. Leja për projektin është dhënë në vitin 2013 nga qeveria e Sali Berishës.
Për ngjarjen reagoi dje edhe ish-kryeministri Sali Berisha. Për ish-kryeministrin, ngjarja nuk ishte një sherr i zakonshëm, por një tentativë për vrasje.
“Ata të cilët i organizuan vrasjen me aksident automobilistik janë eksponentë te mafias qeveritare, të cilët kishin dalë në pritë t’i merrnin jetën një njeriu, që me përkushtim te jashtëzakonshëm ka punuar për realizimin e projektit me investimin me te madh ne fushen e turizmit në historinë e vendit tonë”, deklaronte Berisha.
Por e përditshmja Dita ka një variant tjetër. Ajo shkruan se Gjiri i Lalëzit po vazhdon të “hajë” koka njerëzish, duke iu referuar edhe vrasjes së gjyqtarit Skerdilajd Konomi. Sipas gazetës, Konomi u vra pikërisht për një konflikt pronësie në këtë zonë.
Vetë Mitri është në një çështje gjyqësore për resortin e tij, në lidhje me pronësinë e tokës. Pronari i një restoranti thuhet se pretendon se është pronar i tokës. Për këtë arsye ai kishte hapur një gjyq.
Vendimi është marrë vetëm një ditë më parë nga Gjykata e Durrësit dhe gazeta thotë se ka qenë kundër Mitrit dhe kompanisë së tij. Ndërsa dje u dhunua biznesmeni…
