Kryeministri Edi Rama i është përgjigjur propozimit të kreut demokrat, Lulzim Basha, i cili kërkoi shpalljen e gjendjes së fatkeqësisë natyrore.
Në një lidhje direkte me News24, Rama tha se qeveria e di punën e saj.
“Kjo është relative e vjen gjithmonë në të gjitha herët për të gjitha rastet por siç ndodhi dhe me tërmetin ne e dimë shumë mirë punën tonë, do ishim të lumtur të na vinte ndonjë thirrje që na ndihmon e jo thirrje që ndonjëherë edhe na pengojnë”, tha Rama.
Kryeministri u shpreh se jemi të parët që morëm masat ekstreme, pasi jemi më të dobëtit, ndaj dhe ikëm të parët me vrap.
“Ne s´kemi luksin të bëjmë eksperimente, tani me vrap po ikin edhe superfuqitë, por ato kanë dhjam për kohë lufte”, tha ai.
