Ministria e Shëndetësisë bëri të ditur sot se numri i të prekurve nga koronavirusi kishte arritur në 42 persona, 4 më shumë se 24 orë më parë.
Mes 42 personave të prekur tashmë nga koronavirusi, janë dhe dy pjesëtarë të personelit mjekësor të spitalit “Shefqet Ndroqi”.
Ministria e Shëndetësisë ka bërë me dije se pas testimit të 17 personave të personelit shëndetësor të këtij spitali, pas kontaktve me të sëmurit të identifikuar me COVID-19, rezulton se 2 prej tyre, kanë rezultuar pozitivë.
“Në Institutin e Shëndetit Publik janë testuar deri në këto momente 17 vetë, personel shëndetësor, kontakt të të sëmurit të sëmurit të identifikuar me COVID-19 në spitalin “Shefqet Ndroqi”, i cili aktualisht po trajtohet në spitalin Infektiv.
Rezulton se 2 prej tyre, personel shëndetësor kanë rezultuar pozitivë. Janë pa simptoma, në gjendje të mirë shëndetësore dhe të vetëizoluar”, njofton ministria.
