Zv ministrja e Shëndetësisë, Mira Rakacolli, reagoi sot lidhur me viktimën e prë nga koronavirusi në Shqipëri, e cila është një 73-vjeçare nga Durrësi.
“Pacientja që ndodhej e izoluar në gjendje të rëndë s’mundi të mbijetojë pas komplikacioneve të sëmundjeve që vuante më parë. Vuante nga insifucienca kardiake e rëndë, kishte prej shumë vitesh crregullime, kishte sëmundje kronike të mushkërive, hipertirozë dhe e sëmurë që kishte kryer edhe by pass kardiak.
Pra tërësisht në grupin e atyre sëmundjeve që kur preken nga koronavirusi cedojnë më shpejt.
Pavarësisht përpjekjeve maksimale pacientja nuk mundi të mbijetojë, ajo është trajtuar në mënyrë të izoluar në spitalin rajonal të Durrësit, sot reanimatiorët atje kërkuan transferim në QSUT, kur po merreshin masa per transportimin e saj gjendja precitoi menjëherë, me gjithë përpjekjet pacientja nuk mundi të mbijetojë.
Siç e kemi thënë, është virus që ashtu si gripi prek moshat e mëdha e ato që vuajnë prej semundjeve të tjera, u bëj thirrje qytetarëve të jenë bashkëpunues me autoritetet e stafet mjekësore.
Kush ka histori udhëtimi të vetëkarantinohet, kush ka shenja infeksioni të telefonojë 127, të kufizojmë lëvizjet sa më shumë të mundemi”, tha Rakacolli.
