Mbyllen baret dhe restorantet në Tiranë dhe Durrës. Kjo është bërë e ditur nga Kryeministri Edi Rama në kuadër të masave për parandalimin e përhapjes së koronavirusit. Pas 12 rasteve të konfirmuara zyrtarisht dhe mbylljes fillimisht të arsimit parauniversitar dhe më pas edhe të lokaleve të natës, bilardove, pub dhe diskove, Qeveria ka vendosur edhe mbylljes e lokaleve dhe restoranteve.
“ NDJESË por duke parë shkallën e ulët të vetëdijes së shumë qytetarëve, kryesisht të rinj, që e kanë edhe më të vështirë të rrinë në një vend, detyrohemi të mbyllim të gjitha restorantet, baret, klubet në Tiranë dhe Durrës fillimisht!
Kjo nuk është kohë pushimesh dhe argëtimesh jashtë shtëpisë, po kohë lufte dhe kjo luftë fitohet vetëm duke kufizuar lirinë tënde, duke ndryshuar rrënjësisht mënyrën e jetesës dhe duke ruajtur familjen tënde nga kontaktet e tua me jashtë”, shkruan Rama në rrjetet sociale.
