Ministrja e Shëndetësisë, Ogerta Manastirliu, i ka drejtuar një apel qytetarëve që të zbatojnë masat mbi higjenën personale, dhe në rast se kthehen nga zonat e konsideruara të kuqe, të vetëkarantinohen dhe të njoftojnë në numrin 127.
Manastirliu ka kërkuar nga qytetarët mos frekuentimin e spitaleve pa u vizituar më parë nga ekipet e urgjencës në shtëpi.
“Janë konfirmuar dy rastet e para me COVID -19, dy qytetarë 54 vjeç dhe 28 vjeç banues në Tiranë, rast i importuar që ka udhëtuar nga Firence në Shqipëri, ku ka hyrë përmes pikës kufitare të Hanit të Hotit në 26 shkurt, ndërkohë që babai është rast i konfirmuar si kontakt i ngushtë.
Është kontaktuar urgjenca kombëtare menjëherë sipas protokolleve janë marrë mostrat, kanë patur shenjat klinike, janë dërguar në laborator e kanë rezultuar pozitiv, menjëherë janë kryer identifikimi, izolimin e kontakteve të ngushta përgjatë natës, kanë marrë mostrat e kontakteve për analizë dhe tashmë kontaktet janë të izoluar.
Ndërsa dy qytetarët janë dhe po marrin shërbim pranë Infektivit në QSUT.
Dua të bëj disa thirrje, qytetarët të ruajnë qetësinë, ekipet e urgjencës janë në gatishmëri dhe në spitale. Mjekët e infermierët janë në ballë të kësaj situate. Cdo ore ka perforcim te masave, do informoheni edhe per masat e mevonshme qe do marrim ne varesi te situates dhe shkalles se rrezikshmerise.
Nëse kanë shenja gripi të telefonojnë në numrin 127 dhe ta bëjnë këtë pa vonesë. Të mos vijnë në spitale e urgjenca, pa patur shenja klinike e s’janë vizituar nga ekipet e urgjencës. Virusi nuk shpërndahet nga ajri, por kontakti”, tha ajo.
