Sekretari i Përgjithshëm i PD-së, Gazment Bardhi, ka reaguar ndaj deklaratave të Taulant Ballës nga foltorja e Kuvendit.
Përmes një postimi në rrjet, Bardhi tha se Balla është mësuar të jetë shtojcë e krimit, përmes të cilit ka vënë pasuri të paligjshme.
“Ai as nuk mund ta kuptojë, as nuk mund ta pranojë që ne, qytetarët e lirë të ketij vendi, të bëjmë çdo sakrificë për mbrojtjen e Kushtetutës. Skllavi i krimit, që nisi karrierën politike i sponsorizuar nga trafikantë droge dhe e vazhdon si i tillë, është i dështuar në diversionin e tij banal.
Është detyra jonë që, si europianë të vërtetë, të mos heqim dorë nga mbrojtja e të drejtave themelore dhe nga mbrojtja e Kushtetutës”, shkruan Bardhi.
Reagimi i Sekretarit të Përgjithshëm të PD erdhi pasi nga foltorja e Kuvendit Balla shprehu keqardhjen që PD u kthye në shtojcë të Ilir Metës, në manifestimin e 2 marsit.
“Me më vjen keq se si PD u bë shtojcë e Metës, ka përpjekje për të dëmtuar vlerësimin që dha KE të hënën e që mezi presim që në tre ditët e Keshillit Evropian të marrim një lajm pozitiv”, tha Balla.
