Shfaqja e rasteve me koronavoris në Itali, ka shkaktuar panik dhe frikë te qytetarët në Tiranës, por jo vetëm.
Nga raportime të ndryshme mësohet se në farmacitë shqiptare ka pasur kërkesa të shtuara për maska mbrojtëse, edhe pse këshillat e specialistëve janë të vazhdueshme që ato të mos përdoren nga persona të shëndetshëm, por nga ato që mund të kenë shenjat e gripit të stinës apo virozave stinore.
Gjithsesi duket se maskat po shihen si një masë e shtuar për t’u mbrojtur nga koronavirusi, edhe pse në Shqipëri referuar të dhënave zyrtare nuk ka raste të shfaqjes së këtij virusi.
Kjo frikë ka nisur të pasqyrohet edhe në aktivitetet e përditshme.
LSA ka sjellë disa fotografi nga rrugët e Tiranës, ku dhjetëra njerëz kanë nisur të qarkullojnë me maska, për shkak të frikës ndaj koronavirusit.
