Sekretari i Përgjithshëm i PD, Gazment Bardhi ka reaguar pas deklaratës së Presidentit Ilir Meta, i cili paralajmëroi kallëzim në SPAK për ministren Etilda Gjonaj, për çështjen e vakancës në Gjykatën Kushtetuese.
Bardhi shprehet se “nuk ka asnjë detyrë më të rëndësishme tani për SPAK sesa hetimi i krimit kushtetues për kapjen e Gjykatës Kushtetuese nga organizata mafioze në pushtet”.
“Në vend të lojrave me sms-të e shefit, Etilda Gjonaj duhet të thotë sot pse shkeli ligjin dhe Kushtetutën. Duhet të mos fshihet pas sms-ve të shefit, por të japë llogari pse veproi si sekretare e Ardian Dvoranit për të grabitur padrejtësisht një vend në Gjykatën Kushtetuese për llogari të Edi Ramës. Heshtja për krimin e kryer është pohim! Ai duhet hetuar dhe ndëshkuar!”, shton Bardhi në një reagim në FB.
LEXO EDHE:
Beteja për Kushtetuesen/ Meta: Do çoj në SPAK ministren Gjonaj, të dorëhiqet!
