Ish-kryeministri Sali Berisha, i ftuar në ‘Tempora’ komentoi konferencën e donatorëve të mbajtur në Bruksel.
Ish-kreu i qeverisë falënderoi shtetet pjesëmarrëse që dhanë ndihmën e tyre për banorët e prekur nga tërmeti në Shqipëri. Ndërsa shtoi se fatkeqësisht qytetarët shumë shpejt do të zhgënjehen, pasi mes donacioneve dhe tyre qëndrojnë dy hajdutët më të mëdhenj që njeh historia e Shqipërisë, pas Edi Ramës.
‘Shfrytëzoj këtë rast të shpreh mirënjohjen ndaj të gjithë atyre që vendosën dje në Bruksel të japin si ndihmë para të taksapaguesve të tyre për qytetarët aktualisht më të mjerë të planetit shqiptarët e goditur nga tërmeti në qarkun e Tiranës, Durrësit dhe Lezhës. Falënderimi shkon gjithashtu për Ursula Vanderline e cila organizoi këtë konferencë sëbashku me komisionerin e zgjerimit për të mbështetur këta qytetarë. Së treti, nuk mund të ndalem pa thënë se jashtë euforisë së madhe jam qind për qind i sigurtë se shumë i shpejtë do të jetë zhgënjimi i madh i këtyre qytetarëve. Së pari se ndërmjetësi mes këtyre donacioneve dhe atyre është një grup hajdutësh që ka të pashoq në Evropë më të mëdhenjtë në botë nëse shikon Transparecyinternacional. Dy figurat kuçe janë njëkohësisht hajdutët më profesionistë të këtij shteti pas Edi Ramës. Arben Ahmetaj është autori i famshëm i PPV-ve, njeri që thuhet se ka të groposur jo baule por kazana të mëdhenj me euro, kështu thuhet. Ka ndodhur një gjë për fat të keq, që kanë ndodhur me dhjetëra gjëra që imagjinata jonë nuk i ka marrë vesh. Dhe e dyta hajduti i heshtur një Artan Agolli, ai është një lukini i papërmbajtur. Dhe kam marrë vesh se një pjesë e fondeve do të shkojnë drejt Agollit, ai edhe në gjumë vjedh për vete dhe Edi Ramën. Dje kur euforia bëri që të sillen deformime dhe mashtrime të cilat sot dolën se çfarë janë. Dje përfaqësuesi i SHBA deklaroi se do të japim 5 milionë dollarë dhe këto do t’i japim për transparencë, për të parë që mos vjedhin fondet’, deklaroi Berisha.
