Kreu demokrat Lulzim Basha mblodhi në selinë e PD-së aleatët, të cilët i ka informuar me faktet tronditëse, sikundër u shpreh ai mbi atë që Presidenti Ilir Meta e cilëson grusht shteti.
“Do marrim çdo vendim duke i bërë thirrje çdo qytetari që hapa të tillë që cënojnë Kushtetutën të përballen me forcën e popullit. Kur shkelet Kushtetuta shkelen të drejtat e qytetarëve. Konfirmoj vendosmërinë tonë për të ndjekur pikë për pikë udhërrëfyesin europian për zgjedhje të lira dhe të ndershme sa më parë”, tha Basha në një prononcim për mediat, ndërsa shtoi se rotacioni politik është i pashmangshëm.
Lidhur me deklarimet e bëra nga Presidenca, sipas të cilës populli do të shpërndajë Parlamentin, Basha theksoi se “për ne Parlamenti është shpërndarë në 18 shkurt të vitit të kaluar”.
“Tani ne jemi të orientuar nga zgjidhjet. Zgjidhja nuk mund të jetë vetëm tek partia jonë, rotacioni është i pashmangshëm. Rama kërkon të zgjasë dhe të shmangë zgjedhjet. Nuk ka forcë që të ndalë rotacionin dhe ardhjen në pushtet të opozitës së re.
Ne do të vijojmë bashkëbisedimin me qytetarët dhe do shpalosimin ofertën tonë dhe kërkojnë një proces zgjedhor të ndershëm dhe një Reformë Zgjedhore që garanton zgjedhjet e lira.
Nuk ka forcë mbi tokë që të ndalë rotacionin. Unë dua që ta bëjmë më mjete politike, por bashkimi jonë do jetë i madh dhe i pashmangshëm”, tha Basha.
Sipas tij, shqiptarët kanë 30 vjet që paguajnë kostot e larta të rotacionit, ndërsa paralajmëroi çdokënd që ka shkelur ligjin dhe Kushtetutën se do të përballet me drejtësinë.
Pjesë nga deklarata e Bashës
“Presidenti më ka njohur me të tjera fakte dhe prova tronditse të përfshirjes kriminale të zyrtarëve të lartë të mazhorancës për kapjen e gjykatës kushtetuese. Edi Ramës i duhet Gjykata Kushtetuese për të mbrojtur e liruar kriminelët me të cilët ka marrë pushtetin, është investuar në mënyrë të hapur e kriminale për të kapur Kushtetuesen.
Ky është grusht i pastër shteti, sic e quan edhe Presidenti, vertet nuk bëhet me ushtri e me tanke por me shërbëtor të bindur të qeverisë në organet e reja të drejtësisë.
Diskutuam edhe për hapa të tjerë të mazhorancës në shkelje të kushtetutëes për të favorizuar krimin dhe kriminelët. Kemi një papajtueshmeri te plote me kete, dhe do marrim cdo vendim si opozitë duke i bërë thirrjë cdo qytetari përtej bindjeve politike që hapa të tillë të ndeshen me bashkimin më të madh qytetar dhe rezistencën më të madhe qytetare.
Kur bie Kushtetuta, cdokush është i rrezikuar kur bien garancitë kushtetuese.
Ky nuk është zhvillim surprizë, vjen në gërmadhat e një demokracie të asgjesuar, me nje parlament ilegjitim, vendosmeria jone per te ndjekur udhërrëfyesin gjerman me zgjedhje të lira e të ndershme sa me pare, që do garantojne qe problemet që kanë sjellë deri këtu të mos manifestohen me”.
