Ministri i Brendshëm Saimir Tahiri e ka mohuar faktin se Lëvizja Socialiste për Integrim ka votuar kundër draft-ligjit të tij për masat shtesë të sigurisë publike dhe vendosjen e kamerave të sigurisë.
Por Boldnews.al disponon votimin elektronik në seancën parlamentar të së enjtes. 14 deputetë të LSI kanë votuar kundër, abstenuar ose nuk kanë marrë pjesë në votimin e projektligjit të propozuar nga Tahiri.
Megjithatë i pyetur për nga gazetarët, Ministri i Brendshëm nuk do ta pranojë këtë “tradhëti” të LSI.
“Kam përshtypjen që e keni gabim. Ligji u votua. Është një ligj shumë i domosdoshëm i cili shton sigurinë dhe kapacitetin parandalues për ngjarjet kriminale nga njëra anë. E nga ana tjetër shton mundësinë që Policia të hetojë më së miri e sa më thellë ato.” – deklaron ministri Tahiri.
Boldnews.al
