Një 52-vjeçare shqiptare ka humbur jetën në një aksident që ndodhi mëngjesin e së shtunës në provincën e Trevisos.
Mediat italiane raportojnë se viktima është 52 vjeçarja Diturie Goxha, nënë e dy fëmijëve. Mësohet se ajo punonte si kujdestare dhe aksidenti ka ndodhur kur ajo po shkonte në punë.
Raportohet se 52-vjeçarja, e cila po lëvizte me një biçikletë, u përplas nga një furgon tip Nissan, drejtuar nga një 44 vjeçar. Nga përplasja e fortë trupi i 52-vjeçares ka fluturuar disa metra larg dhe u përplas në asfalt.
Policia ka nisur hetimet mbi shkaqet e aksidentit, ndërsa viktima ka humbur jetën menjëherë, pa mundur t’i jepet ndihma e parë nga ekipet e emergjencës.
