Partia Demokratike ka reaguar sot lidhur me propozimet për Reformën Zgjedhore. Oerd Bylykbashi, Ivi Kaso dhe Enkelejd Alibeaj deklaruan se SPAK duhet të hetojë krimet zgjedhore dhe qytetarët do të jenë denoncuesit kryesorë të manipulimit zgjedhor.
Ivi Kaso tha se PD kërkon ndryshimin e Kodit të Procedurës Penale.
“Kemi propozuar ndryshime në Kodin e Procedurës Penale për veprën penale të krimeve zgjedhore që të hetohen nga SPAK.
Kemi propozuar dhe ndryshimin e rolit të Policisë së Shtetit në procesin zgjedhor, ku tashmë duhet të kenë rol vëzhgues.
Ne duam që të institucionet e drejtësisë që do hetojnë krimet zgjedhore të jenë SPAK dhe GJKKO, pasi janë institucione të reja dhe mund të jenë më të pavarura. Po ashtu kemi menduar të ndërhyjmë dhe në nenet korrupsionit aktiv dhe pasiv në zgjedhje, duke parë krimin zgjedhor nga ana e agjencive ligjzbatuese”, u shpreh Kaso.
Ndërkohë, Alibeaj tha se gjatë fushatës zgjedhore dhe ditën e zgjedhjeve, Policia dhe Prokuroria duhet të reagojnë në kohë reale kundër krimit zgjedhor.
PD ka propozuar që dy javë pas caktimit të datës së zgjedhjeve të ngrihet një Task Force hetimore lidhur me krimet zgjedhore.
Ndërsa Oerd Bylykbashi tha se propozimet synojnë ndarjen e krimit nga politika.
“Tema këto që janë prioritare në axhendën e miratuar nga Këshilli Politik për reformën zgjedhore, pak kohë më parë.
Sigurisht masat që ne parashikojmë, janë masa që kërkojnë mbi të gjitha respektimin e parimit themelor, që ka OSBE që është garantimi i fushë lojës së barabartë për të gjithë aktorët zgjedhorë, një parim i cili është konsakruar në paragrafin 5.4 të Dokumentit të Kopenhagenit të OSBE-së dhe që ka për qëllim, mbi të gjitha shkëputjen e shtetit nga politika, qënien e shtetit një organizëm neutral i cili funksionon në interes të publikut, të zgjedhësve dhe jo si aktor në favor të një partie që garon për të rrëmbyer pushtetin”, tha Bylykbashi.
Sipas tij, çështjet kryesore janë një rol i ri aktiv Prokurorisë dhe Policisë së Shtetit në parandalimin e e krimit zgjedhor, në goditjen e tij para ditës së votimit, një rritje e instrumnentave, fuqizimi i instrumenteve që do të kenë në dorë pikërisht organet ligjzbatuese, me një kornizë kontrolli të fortë në mënyrë që jo vetëm të luajnë roline tyre por edhe të mos abuzohen nga qeveria. por ghjithashtu duke iu dhënë nëj rol të rëndësishëm instrumentave të tjerë në dorën e zgjedhësve për të qenë aata faktor kryesor në denonciin dhe goditjen e krimit zgjedhor.
“Një nga elementët kryesore që OSBE/ODIHR-i nënvizon në disa raporte; 2015, 2017, 2019 janë shitblerja e votës, është preisoni mbi zgjedhësit që janë punonjës të administrarës, cënimi i sekretit të votës, cënimi i lirisë së votës.
Qëllimi i propozimeve tona është që të godasin pikërisht këto fenomene, qoftë duke i parandaluar, qoftë duke I djekur penalisht, në mënyrë që të rritet besimi jo vetëm tek procesi, por edhe tek legjitimitetiti i organeve që dalin nga zgjedhjet”, tha Bylykbashi.
