Bylisi ka hedhur një hap mjaft të rëndësishëm në kualifikimin për në fazën çerekfinale të Kupës së Shqipërisë, pasi ka mposhtur pastër 2-0 Laçin.
Ndeshja është zhbllokuar në minutën e 68-të, me anë të Shkallës i cili me kokë kalon topin përtej vijës fatale.
Më pas ndeshja u dominua totalisht nga Bylisi, të cilët kërkonin dhe golin e dytë dhe atë e gjetën në minutën e 87-të me anë të Edison Ndrecës i cili ndëshkon ish-skuadrën e tij me një të majtë të bukur.
Ndeshja e kthimit do të luhet në stadiumin e Laçit, të cilët kanë një detyrë mjaft të vështirë të përmbysin dy golat e kësaj ndeshjeje.
