Ditën e sotme do të luhen shtatë ndeshje të vlefshme për raundin e 1/8-ve të Kupës së Shqipërisë.
Të gjitha ndeshjet luhen në orën 14:00. Tirana ndeshet me Kastriotin në Fushë Krujë. Ndërsa kampionët në fuqi të kompeticionit, Kukësi, do të luajë kundër Lushnjes në transfertë.
Kampionët e Superligës, Partizani, udhëton drejt Lezhës për të luajtur kundër Besëlidhjes, një ekip që ka dhuruar surpriza në këtë kompeticion.
Vllaznia pret në Shkodër Flamurtarin, njësoj si pak ditë më parë në kampionat, ndërsa Teuta do të ketë një derbi kundër Erzenit. Besa është rivali i Skënderbeut në këtë raund, ndërsa dueli i mbetur luhet në Fier midis Apolonisë dhe Luftëtarit.
Nesër zhvillohet ndeshja e fundit për këtë fazë, ajo mes Bylis-it-Laçit.
