Vdekja e Kobe Bryant ka pasur impakt të madh në çdo nivel të sportit, aq shumë sa “Nike”, kompania e cila sponsorizoi Kobe Bryant në karrierën e tij sportive, ka vendosur të tërhiqet nga të gjitha produktet e tij në dyqanet e tyre.
Kjo gjë është bërë me qëllim që të shmangen përfitimet nga kërkesat e shumta që bëhen nga njerëzit të cilët kërkojnë të nderojnë kujtimin e Kobe Bryant duke blerë produktet e tij.
“Ai ishte një nga atletët më të mirë të gjeneratës së tij dhe kishte një ndikim të madh jo vetëm në Amerikë por në të gjithë botën e sportit dhe komunitetin e basketbollit nëpër botë”. – lexohet në një deklaratë të kompanisë “Nike”.
“Ai ishte një anëtar i dashur i familjes së Nike-t, do të na mungojë shumë, Mamba përgjithmonë”.
“Të gjithë produktet e Kobit nuk janë të disponueshme dhe të gjitha porositë online janë rimbursuar, nuk do të shesim asgjë deri në një njoftim tjetër”.
Kjo vjen në një kohë kur tregjet jozyrtare të produkteve kanë parë që produktet e Kobe-t, të rriten në çmim me rreth 300% që nga njoftimi i vdekjes së tij tragjike.
