Sekretarja e Marrdhënieve me Publikun, Grida Duma ka dalë në një deklaratë për shtyp lidhur me largimin nga puna të gazetares Alida Tota pas shkrimit të saj për aferën e landfillit ku vdiq Arditi.
Duma ka akuzuar kryetarin e Bashkisë Erion Veliaj se ka ndërhyrë për të hequr nga puna dy gazetarë, Alida Tota, drejtoreshën e lajmeve të televizionin A1 News dhe kryeredaktorin Brahim Shima pasi tentuan të hedhin dritë mbi aferën e madhe të korrupsionit në Sharrë, ku mbeti i vdekur 17 vjecari Ardit Gjoklaj.
“Eshtë hera e parë që një zyrtar i lartë hakmerret në këtë mënyrë ndaj medias, jo vetëm duke mbyllur një investigim, duke bllokuar një lajm, por më keq, duke larguar nga puna drejtorin e lajmeve dhe kryeredaktorin. Dy gazetarët zbuluan se impianti i korrupsionit i Veliajt ishte i zhytur thellë në informalitet, ku nuk zbatohej asnjë rregull, asnjë normë sigurie, asnjë ligj”, tha Duma në deklaratën e saj.
Më herët, ditën e djeshme, Boldnews.al kontaktoi me ish-drejtoreshën e lajmeve në A1 Neës dhe gazetarja me përvojë kryesisht në çështjet sociale dhe në mbrojtjen e të drejtave të grave i bën një përmbledhje situatës së krijuar.
“Pardje dhe dje publikuam në A1 Neës dëshmi ekskluzive sesi shfrytëzoheshin fëmijët në Landfill-in e Sharrës, ku u masakrua djali 17 vjeç. Në dëshmitë e siguruara, përmendej kryebashkiaku Erion Veliaj që ka favorizuar kompaninë e riciklimit që merrte 15 mijë euro/muaj nga Bashkia për riciklimin e mbeturinave në Sharrë. Me pas A1 Neës publikoi disa sekuenca ku dëshmohej se natën vonë, parmbrëmë i kishin përzënë punëtorët nga landfilli me një urdhër mbyllje nga Bashkia e Tiranës, i nisa sms kryebashkiakut Erion Veliajt për të dhënë prononcim për këtë dëshmi, për të qenë të balancuar në qëndrime. I shkruajta që jam Alida Tota Drejtore e Lajmeve ne A1 Neës. Nuk kthehu përgjigje dhe gazetarët e A1 Neës shkuan po ashtu te Bashkia, e cila iu refuzoi përgjigjen. Pas stand up të gazetares në Bashki, Drejtori i televizionit, ish drejtori i ujësjellësit Neritan Gjojdeshi thërret redaktorin tim dhe i thotë pse sulmoni Veliajn. Ai i thotë duhet të flisni me Alidën se ajo është drejtoresha e lajmeve dhe ju ka informuar për deshminë e Sharrës. 1 orë më vonë Gjojdeshi kishte urdhëruar juristin e A1 Neës të hartonte shkresën e pushimit nga puna dhe më njoftoi vendimin për largimin.”- thuhet në reagimin e gazetares Alida Tota.
Ja deklarata e plotë Grida Dumës:
Partia Demokratike dënon me forcë ndërhyrjen brutale të Erion Veliajt në media, që solli largimin e dy drejtuesve të lajmeve në televizionin a1 neës.
Eshtë hera e parë që një zyrtar i lartë hakmerret në këtë mënyrë ndaj medias, jo vetëm duke mbyllur një investigim, duke bllokuar një lajm, por më keq, duke larguar nga puna drejtorin e lajmeve dhe kryeredaktorin.
Alida Tota dhe Brahim Shima u flakën nga puna, sepse tentuan të hedhin dritë mbi aferën e madhe të korrupsionit e klientelizimit në Sharrë, ku mbeti i vdekur 17 vjecari Ardit Gjoklaj.
Dy gazetarët zbuluan se impianti i korrupsionit i Veliajt ishte i zhytur thellë në informalitet, ku nuk zbatohej asnjë rregull, asnjë normë sigurie, asnjë ligj.
Erion Veliaj jo vetëm nuk thotë vetë asnjë fjalë për humbjen e jetës së 17 vjecarit që punonte në atë biznes korruptiv e kriminal të ndërtuar prej tij në Sharrë, por hakmerret dhe bën shembull gazetarët që guxojnë të investigojnë.
Një sjellje e përsëritur, pasi me 11 gusht, Veliaj bëri të heshtë edhe një media të rëndësishme si Top-Channel, duke bllokuar pasqyrimin e denoncimit të PD-së, për këtë ngjarje.
Erion Veliaj del kështu hapur në mbrojtje të krimit e të korrupsionit në landfillin e tij.
Ashtu si dhe shefi i tij, Edi Rama, i cili vazhdon të mbajë në arrati kryetarin socialist të Peqinit, partneri i Veliajt në këtë aferë, duke mos ia dorëzuar drejtësisë, edhe pse është shpallur në kërkim prej 10 ditësh.
Shkarkimi i gazetarëve me urdhër të Erion Veliajt është një prej goditjeve më të rënda të lirisë së shtypit, tipar i qeverisjes së Edi Ramës e zhytur në krim e korrupsion, që e ka median e lirë armike.
Partia Demokratike i fton organizatat e medias të reagojnë për këtë rast, të mos pranojnë që një falsifikator i korruptuar si Erion Veliajt të bëhet drejtuesi i televizioneve dhe gazetave.
Ne shpresojmë se partnerët ndërkombëtarë dhe ambasadat e vendeve të BE dhe SHBA do të mbajnë shënimet e duhura e do të vëzhgojnë nga afër rastin.
Edi Rama, Erion Veliaj, aferat e tyre të llojllojshme, nga ndërtimet tek droga kanë nevojë për media të dobët e të nënshtruar.
Por interesi publik, vendi, e ardhmja europiane ka nevojë për media të fortë e të pavarur.
Media do të jetë më mirë pa Edi Ramën e ushtarët e tij.
Shqipëria më mirë pa Edi Ramën.
