Prokuroria e Tiranës ka zbardhur disa detaje sesi është realizuar grabitja e degës së bankës BKT në zonën e ish-bllokut.
Sipas hetimeve të organit të akuzës, më daten 08.08.2016, rreth ores 08:15 min policia gjyqesore është vënë ne dijeni se ishte vjedhur gjate nates banka e nivelit te dyte -BKT, qe ndodhet ne rrugen “Ismail Qemali”.
Gjate veprimeve hetimore te kryera eshte konstatuar se persona te paidentifikuar duke hapur një vrimë në murin që ndan bankën me një ambjent tjeter privat dikur pub, kanë hyrë në ambjentin e brendshëm të bankës dhe me pas kanë hapur nje vrime tjeter ne murin prej betoni te kasafortes se bankes.
Njeri prej autoreve ka hyre brenda ambjenteve te dhomes kasaforte te bankes dhe ka marre neper raftet metalike shumen e rreth 190.000.000 lekeve te vjetra. Me pas jane larguar nepermjet dy vrimave te cilat ishin hapur me pare. Veprimet e autoreve jane ne daten 05 dhe 06.08.2016.
Bazuar ne kontrollin e ambjentit rrethues te bankes rezulton se autoret fillimisht kane nderruar fishekun e deres se ish pub-it dhe qe aty kane hyre brenda. Fillimisht kane shkuar dhe kane vepruar ne faqen e nje muri dhe me pas, pasi kane hasur ne beton e kane lene ate dhe kane shkuar ne faqen e murit prej tulle, ku kane hapur nje vrime ku mund te hynte lirshem nje trup njeriu.
Pasi kane hyre ne ambjentin e brendshem te bankes ku ishte dhe dhoma kasaforte kane vepruar me mjete pune (çekiç, dalte, kriko) tek muri prej betoni i dhomes kasaforte.
Veprimin perfundimtar ata e kane kryer me daten 06.08.2016, ku kane hyre ne oren 23:13 min dhe kane dale ne oren 23:19.
Ne ambjentin e pab-it jane gjetur sende qe dyshohet se u perkasin autoreve si, leva hekuri, kriko automjeti, pllaka metalike, tuba metalike.
Banka ka sistem kamerash dhe dhoma kasaforte ka sistem sensoresh. Nga goditjet qe kane bere autoret diten e premte naten dhe te shtunen po naten, sensoret kane dhene alarm tek telefoni i drejtorit te bankes, shefi i sigurise se bankes, tek SHPFS.
Diten e premte dt 05.08.2016 pas marrjes se sinjalit është paraqitur në degën e BKT, drejtori i bankes shtetasi Luigj Gjonaj dhe pasi nuk ka konstatuar gje eshte larguar. Ky sinjal ka rene dhe nje here tjeter.
Diten e shtune ka rene sinjali i sensorit te kasafortes. Ka ardhur aty drejtori i bankes Luigj Gjonaj dhe shefi i sigurise se kesaj banke Florjan Skarra dhe kjo dallohet dhe ne pamjet filmike, por nuk kane konstatuar gje.
