PSG triumfoi me Galatasarayn në Champions me shifrat 4-0, por ajo që ra më së shumti në sy ishte gjesti i Neymar ndaj Cavanit, me brazilianin që i dhuroi topin uruguaianit për të goditur një 11-metërsh. Pikërisht lidhur me këtë gjest, Neymar ka folur për kanalin brazilian “Esporte”, ku ka zbuluar arsyen që i dhuroi topin Cavanit.
“Nuk bëra asgjë për të ngushëlluar njeri. Mendimi im i parë ishte ekipi. Individualizmi nuk ka vend në futboll. Nëse unë do të doja kështu, atëherë do të luaja tenis dhe jo futboll. Në futboll të gjithë duhet të ndihen të lumtur dhe mendova që Cavani kishte nevojë, pasi i ka munguar goli dhe çdo sulmues dëshiron të shënojë”.
“Kështu që, ai shënoi dhe ne ishin të gjithë të lumtur për këtë dhe të gjithë shkuan në shtëpi të lumtur. Kjo është gjëja më e rëndësishme. Kjo është mënyra se si ekipi ynë duhet të vijojë. Po përmirësohemi dhe po rritemi nga dita në ditë, kjo është me rëndësi”, – tha Neymar.
