Forcat RENEA finalizuan operacionin “Subashi” që çoi në arrestimin e shtetasit Endrik Lluka 31 vjeç. Ky person ishte i dënuar me 35 vjet burgim për veprat penale “Vrasja në rrethana të tjera cilësuese” dhe “Armëmbajtja pa leje”.
Në pranga përfundoi edhe babai i tij për veprën penale “Armëmbajtja pa leje”.
Në banesën e tyre u sekuestruan një snajper, një pistoletë, dylbi dhe municion luftarak.
Endrik Lluka,31 vjeç, banues në fshatin Shtëpëz, Gjirokastër, ishte person i shpallur në kërkim, pasi gjykata e ka dënuar me 35 vjet burg për veprat “Vrasja në rrethana të tjera cilësuese” dhe “Armëmbajtja pa leje”. Në datën 22.03.2016, ky shtetas ka vrarë me armë zjarri shtetasin D. Ll. dhe ka plagosur shtetasin B. Ll.
Gjatë operacionit, forcat “Renea” kanë ushtruar kontroll në banesën e shtetasit Bexhet Lluka, 57 vjeç ( i ati i Endrikut). Gjatë kontrollit, Policia gjeti dhe sekuestroi në cilësinë e provës materiale 1 armë zjarri pistoletë, 1 armë zjarri snajper, dylbi dhe fishekë luftarakë.
Në përfundim të veprimeve të para u bë arrestimi në flagrancë edhe i shtetasit Bexhet Lluka, për veprën penale “Armëmbajtja pa leje”.
