Deklarata e deputetit Taulant Balla gjatë Asamblesë Kombëtare të Partisë Socialiste nuk u prit mirë jo vetëm nga kundërshtarët politikë por edhe opinioni publik, i majtë dhe i djathtë.
“Mes Shqipërisë dhe partisë, unë zgjedh partinë”, është shprehur dje Balla gjatë diskutimeve në Asamble për t’iu kundërvënë deputetit Ben Blushi, i cili tha se mes të dyjave zgjedh Shqipërinë.
Fjalimi nuk është transmetuar live në TV por fjala, jo e plotë e deputetit Balla është publikuar nga Partia Socialiste në orët e para të mëngjesit të së enjtes.
Por aty mungon pjesa ku Balla thotë krenar se zgjedh partinë para Shqipërisë, e cila është prerë nga zyra e medias së PS-së, për të mos dëmtuar më tej imazhin. Momenti i shkëputur dallohet qartë në minutën 17:20 të videos së mëposhtme.
(Boldnews)
