Ditën e sotme Kuvendi i Shqipërisë pritet të zgjedhë prokurorin e ri të Përgjithshëm të vendit, me një mandat 7 vjeçar, teksa kanë mbetur edhe dy javë nga skadimi i afati 1 mujor.
Këshilli i Lartë i Prokurorisë, ka përzgjedhura tre kandidatura për këtë pozicion, duke renditur të parin me diferencë pikësh, prokurorin Olsian Çela (459 pikë), ndërsa pas tij renditet kryeprokurorja e përkohshme aktuale, Arta Marku (406 pikë) si dhe Fatjona Memçaj (362 pikë).
KLP-ja ka depozituar pranë Kuvendit tri kandidaturat më 21 nëntor, ndërsa deputetët kanë afat deri më 21 dhjetor për miratimin e njërit prej tyre si prokuror i Përgjithshëm i vendit për një periudhë prej 7 vjetësh pa të drejtë rikandidimi.
Në rast se asnjë nga kandidatët nuk merr nga Kuvendi 2/3 e votave (84 vota) atëherë automatikisht prokuror i ri i Përgjithshëm zgjidhet ai që është renditur i pari në listë nga KLP.
