Nga shkatërrimi i tërmetit të 26 nëntorit do të rilindin lagje të reja nga Durrësi në Tiranë, u shpreh kreu i qeverisë Edi Rama. Kryeministri në mbledhjen e jashtëzakonshme të qeverisë skenaret që po diskutohen në tryezë dhe ku pritet që këto lagje të ndërtohen.
Ai tha se pranvera e 2021 duhet gjejë Durrësin, Tiranën dhe Laçin kantier ndërtimi.
“Duhet të jemi në kantier në pranverë. Kantier në lagjen e re të Durrësit, kantier në Tiranë pasi të vendosim variantin që do të zgjedhim, një lagje të vetme apo dy lagje.Një lagje e vetme do të ishte pranë Kasharit atje ku është dhe bërthama e një zone të re ekonomike.Dy lagje do të ishin të mira në Kombinat dhe tjetra te ish-Uzina e Traktorëve. Të dyja variantet janë në tavolinë për tu diskutuar dhe lagjen e re në Laç. Të gjitha ata pallate duhen shembur dhe me të rënë dakord do fillojmë shembjen. Në Laç shembja mund të fillojë që tani. Ndihmoni njerëzit të marrin çfarë kanë brenda dhe pastrojini komplet. Duhet bërë programi i strehimit të tyre gjatë kohës së ndërtimit. Në të dyja zonat që kemi identifikuar në Durrës dhe Tiranë nuk kemi ndërtime fare, janë tokë shtetërore, ashtu si zonat pranë Kombinatit. Pallatet në Kombinat duhen shembur, të fillojë shembja. Pallatet e vjetra në Kombinat që po terrorizojnë njerëzit dhe që i kanë dhënë këtij vendi shumë figura të njohura dhe i kanë dhënë kësaj qeverie dhe Erjon Braçen duhen shembur”, tha Rama.
