Ja pse Policia tentoi pak minuta më parë të shoqëroi medhunë juristen dhe aktivisten e Aleancës për Mbrojtjen e Teatrit, Adriana Kalaja.
Denoncimi vjen nga vet Kalaja, e cila thotë se ndihet e kërcënuar.
“Nga ky pushtet kriminal, them se janë gjëra mëse normale. Kur ti denoncon një abuzim një vjedhje, pushteti të vihet pas, nuk kap hajdutin, kap denoncuesin.
Ky është rasti më i pastër kur kapet denoncuesi.
Unë u largova nga sheshi parateatrit për t”iu bashkuar familjes dhe kapem nga policia. Më thuhet se duhet të komunikojmë. Hap xhamin, fusin dorën në xham në mënyrë të dhunshme. Më tërhoqën zvarrë për të më çuar në komisariat, në një kohë që i kërkova fletën e shoqërimit.
Në një shtet demokratik një njeri shoqërohet kundrejt rregullave. Vijnë gjashtë vet të cilët mund të jenë dhe grabitës dhe pengmarrës me uniformë policie dhe thonë do të shoqërojmë.
Për fat të mirë erdhët ju dhe më shpëtuat nga banditët. Jam goxha e frustruar,e kërcënuar. Nuk kam shkelur ligjin,kam bërë një denoncim.
Ministri Lleshaj përpara se të merret me denoncuesin duhet të merret me ata që vjedhin ndihmat e njerëzve në nevojë”.
