Kreu demokrat Lulzim Basha tha se shqiptarët shkëlqejnë kudo në Botë, por në vendin e tyre qeverisen nga llumi dhe të inkriminuarit.
Basha tha se Rama ka pasur një skemë të mirëmenduar për t’i dorëzuar pushtetin krimit.
“I dorëzon pushtetin krimit dhe qeveris me krimin. Ata që mendonin se 2015, 2017 apo 2019 ishte një rastësi, tashmë e kanë kuptuar se ishte një skemë e mirëmenduar sepse Edi Rama nuk qeveris dot pa krimin.
Zgjidhja e vetme mbetet që pushtetin t’ia delegojmë qytetarëve dhe jo krimit”, tha Basha.
Sipas tij, edhe Agim Kajmaku është fytyra e Edi Ramës.
Kreu demokrat ka reaguar lidhur me vendimin e KQZ-së për ndërprerjen e mandatit ndaj Agim Kajmakut, i kandiduar nga Edi Rama për Bashkinë e Vorës në votimet e 30 qershorit.
