Kryeministrit Edi Rama nuk i del e keqja me Bashkimin Europian, veçanërisht pas dështimit në hapjen e negociatave në samitin e 17-18 tetorit.
Në fjalën e mbajtur sot në konferencën për Ballkanin në BE, Rama tha se Europa nuk ka mbajtur premtimet në drejtim të Shqipërisë. Por pavarësisht kësaj tha Rama, e vetmja rrugë që duhet të ndjekë vendi ynë është ai i integrimit në BE.
Rama tha se kjo nuk ishte hera e parë që BE nuk mbante premtimet, duke shtuar se kjo ndodhi edhe me Kosovën, të cilës nuk iu liberalizuan vizat.
Por pak ditë më parë lidhur me dështimin e procesit të liberalizimit të vizave, nga një studio televizive, Rama akuzoi kryeministrin në detyrë, Ramush Haradinaj, që sipas Kryeministrit nuk pranoi ofertën e Presidentit të Francës, Macron, për pezullimin e taksës për Serbinë.
“Nisi me një konflikt të madh, pastaj u shkua në bomba dhe tani po flasim për itensifikimit të bashkëpunimit rajonal.
Jemi larg paqes përsa kohë nuk ka një zgjidhje e konfliktit mes Serbisë dhe Kosovës. Pas vendimit të Këshillit Europian në 18 tetor pozicioni i BE është dobësuar tej mase dhe ndikimi në procesin e dialogut është tkurrur, pasi BE-ja me vendimin e marrë apo mos vendimin që rezultoi në fund të një debati të nxehtë mes veti ndër të tjera dhe në radhë të parë i dha një goditje besueshmërisë së vet dhe do të jetë e vështirë për të dyja palët që të besojnë në mundësinë e icentivave që mund të mos mbahen.
Nuk është hera e parë, pasi po bëhen disa që BE-ja nuk mban fjalën dhe në rastin e Kosovës besoj që është një nga shembujt më flagrant të mungesës së kapacitetit për të mbajtur fjalën. Nuk është një shtet, por një tërësi shtetesh e cila funksionon në bazë të konsensusit dhe një të kundërvihet, e gjitha vihet në pozitë të vështirë.
E kam fjalën për kushtëzimin absurd, një kushtëzim, që u mor në konsideratë dhe u adresa, të liberalizimit të vizave për Kosovën pas marrëveshjes për kufirin me Malin e Zi.
Është një rast unikal. Nga 2014 BE-ja liberalizoi vizat për 100 mln njerëz, që nuk janë në proces negociatash. Marrja peng e 2 mln shqiptarëve, reflekton mugesën e kohezionit dhe kapacitetit dhe rënien e gjithë familjes Europiane në vazhdimësi në grackën e një vendi apo tjetri që imponon mos konsensusin. Por shqiptarët nuk kanë asnjë rrugë tjetër, vetëm të ecin në rrugën që ka piketuar historia jonë, që është e trashëguar si amanet në gjithë vetëdijen e kombit tone”, u shpreh Rama.
