Deputeti Korab Lita, i cili zëvendësoi Rudina Hajdarin si kryetar i grupit parlamentar Demokrat, tha mëngjesin e sotëm se disa ligjvënës të Kuvendit të Shqipërisë kanë shprehur interes për të qenë pjesë e grupit të opozitës parlamentare.
Lita tha se do të shqyrtohen të gjitha kërkesat, ndërsa i bëri thirrje kryeparlamentarit Gramoz Ruçi që të distancohet nga çështjet që lidhen me këtë grup parlamentar.
Sipas tij synimi i Ruçit ishte që kryetarja e këtij grupi të ishte Rudina Hajdari.
“Bazuar në njoftimet në media dhe nga informacionet që vijnë nga Kuvendi jemi vënë në dijeni se disa deputetë kanë kërkuar të t’i bashkohen grupit tonë parlamentar.
Si kryetar i këtij grupi jam në pritje të njoftimit përmes shkresave. I shpreh mirënjohje kolegëve deputetë që duhan të na bashkohen.
Sapo të kemi në dorë kërkesat e tyre do t’i shqyrtojmë të gjitha. Që nga krijimi, ka pasur si raste pranimi, si dhe deputeti Andi Përmeti që me shumicë votash e kemi rrëzuar kërkesën e tij për t’ju bashkua grupit tonë.
Asnjë deputet nuk mund t’i bashkohet grupit tonë parlamentar se do Gramoz Ruci që të mbajë kryetare Rudina Hajdarin. I bëj thirrje Ruçit që mos të fusë hundët në çështjet e grupit tonë parlament. Se vendos ai se kush ikën dhe kush vjen tek grupi jonë.
Ne jemi në kuvend për të mbështetur fuqimisht reformën në drejtësi, reformën zgjedhore. Grupi parlamentar i shpreh mbështetjen Rudina Hajdarit si kryetare e komisionit parlamentar të Reformës Zgjedhore.
Duhet t’i tërheqë vëmendje se ajo është aty si përfaqësuese e opozitës parlamentare dhe jo si përfaqësuese Ad-Hoc e Gramoz Ruçit”, tha Lita.
