Drejtuesi politik i Partisë së Lirisë për Qarkun e Beratit, Lefter Maliqi ka postuar një foto në Facebook, ku shfaqet Rama me kryebashkiakun e Kuçovës, Kreshnik Hajdari.
Maliqi shkruan se Hajdari dhe Rama e kanë lënë Kuçovën pa rrugë, mes qenve dhe plehrave, pa asnjë investim, mes halleve e mes borxheve dyerve të zyrave tuaja, pa përgjigje, me qindra familje pa punë.
Ndërsa më tej ai thekson se ndëshkimin do ta marrin në zgjedhjet e ardhshme.
Postimi i Maliqit:
“Bablok i Mafies dhe Oligarkëve”!
Me atë që ke në krahë, me kokën ulur dhe duart lidhur, gati për prangat që e presin, more mëqafë me paaftësinë e tij, një popull të tërë në fshat e qytet, në Bashkinë Kuçovë!
Hakat e atij populli do ju zënë, që po e vidhni dhe e keni lënë si mos më keq, pa rrugë, mes qenve dhe plehrave, pa asnjë investim, mes halleve e mes borxheve dyerve të zyrave tuaja, pa përgjigje, me qindra familje pa punë etj…
Kalon ora dhe dëgjon për ju abuzues e ‘hajdutë me çizme’!
Ndëshkimin do e marrësh në Zgjedhjet e ardhëshme dhe s’do kesh më mundësi të mbrosh dhe të kandidosh ‘hajdarë’ të tjerë, të dënuar, si Hajdari i Bashkisë së grabitur të Kuçovës më “14 Maj”, 2023 apo si ‘hajdarët’ e tenderave korruptivë dhe Drejtësisë së kapur.
S’ka kthim pas! Ne dhe populli do të fitojmë ndaj këtyre ‘hajdutëve me çizme” dhe ndaj paaftësisë!
