Kryeministri Edi Rama, njëkohësisht edhe Kryetar i PS-së, tha mesditën e sotme se reforma zgjedhore do të miratohet brenda dhjetorit. Rama ishte i prerë në qëndrimin e tij kur tha se reforma do të miratohet me të gjithë ata që duan të marrin pjesë në proces.
“Reformën Zgjedhore do e bëjmë me të gjithë ata që duan të marrin pjesë në proces se do e votojmë në Parlament dhe në Parlament ka një opozitë e cila është e përfshirë në komisionin e Reformës Zgjedhore, ku ka edhe një karrige bosh për miqtë tanë të opozitës jashtëparlamentare.
Ne nuk do presim, brenda këtij viti do miratojmë Reformen Zgjedhore sipas rekomandimeve të OSBE ODIHR. Me ata që do binden do votojmë Reformën Zgjedhore”, tha ai.
