Kancelarja gjermane, Angela Merkel, në një konferencë për mediat nga Brukseli, konfirmoi se Shqipëria s’ka bindur vendet anëtarë të BE-së për të marrë një vendim unanim për hapjen e negociatave.
Merkel tha se mbështet idenë e presidentit francez Emanuel Makron për reformimin e Bashkimit Europian.
“Janë disa vende që kanë rezerva. Ne kemi diskutuar në lidhje me këtë. Patjetër që do të zhgënjehen, si kryeministri i Maqedonisë së Veriut dhe i Shqipërisë. Fola me Zaev. E mbështes presidentin Makron për sa i përket procesit të zgjerimit që do reformuar. Kemi rënë dakord për disa gjëra që duhen bërë, Gjermania dëshiron të ndodhë hapja e negociatave. Maqedonia ka bërë shumë në fakt që përsa i përket hapjes së negociatave, ndryshimi i emrin patjetër ka qenë një progres i madh, por edhe Shqipëria ka bërë progres, por s’na ka bërë ende që të marrim një vendim unanim”, tha Merkel.
“Do të vazhdojmë të diskutojmë këtë temë dhe kemi rënë dakord që para samitit e Zagrebit viti do t’i rikthehemi kësaj çështjeje”, deklaroi kancelarja.
“Ata patjetër duhet të përballen me disa kushte që kemi vendosur. Në Shqipëri vijon të ketë probleme përfshi dhe emigrimin. Megjithatë Shqipëria ka bërë maksimumin sa i përket emigracionit. Kur bëjmë premtime patjetër që duhet t’i përmbajmë ato. Dhe nuk do t’i kthejmë shpinën vendeve ndërkohë që kemi bërë premtime. Në fakt ka disa faza sa i përket anëtarësimit. Vërtet dua që këto vende të bëhen anëtare, por më parë duhet të kalojnë në faza të ndryshme të këtij procesi”, tha ajo.
